اغسلي الفلفل كويس، واعملي فيه شق صغير بالسكينة، عشان يشرب المخلل من جوه
حطيه في برطمان نضيف ومعاه الثوم وحبة البركة
دوبي الملح والسكر في المياه، وضيفي الخل
صبي المياه على الفلفل لحد ما يتغطى كله، وحطي فوقه كيس أو تقل عشان ميفضلش عايم على الوش
اقفلي البرطمان كويس، وسيبيه 7 – 10 أيام في مكان ضلمة
أول ما لونه يهدى شوية وطعمه يبقى حامض، دخليه التلاجة وكلي منه
نصيحة قطفة:
الشق الصغير هو السر كله، لو خللتيه سليم من غير شق، هيفضل من جوه ناشف ومش متخلل. ومتفتحيش عليه كل يوم تشميه، سيبيه يتخلل براحته، والفلفل بيعوم على الوش، لازم يكون متغطي بالمياه على طول عشان ميعفنش.